سياسة الخصوصية
آخر تحديث: 28 سبتمبر 2026
نحرص في "تحدي الاستراحة" على خصوصيتك. توضح هذه الصفحة وش البيانات اللي نجمعها، وليش نجمعها، ومين يقدر يشوفها، وكيف تقدر تتحكم فيها. استخدامك للموقع يعني موافقتك على هذه السياسة.
1. البيانات اللي نجمعها
لما تسوي حساب:
- البريد الإلكتروني: مطلوب لإنشاء الحساب وتأكيده وتسجيل الدخول.
- اسم المستخدم: يظهر للاعبين الثانيين داخل اللعبة وفي صفحة المتصدرين.
- كلمة المرور: تُحفظ مشفّرة، وما نقدر نحن نشوفها.
- التسجيل عن طريق Google: ناخذ من Google بريدك الإلكتروني فقط لإنشاء حسابك.
بيانات اختيارية (تضيفها أنت من صفحة حسابي): الاسم الأول والأخير، وتاريخ الميلاد، والصورة الشخصية.
لو لعبت كضيف: ما نطلب منك أي بيانات غير الاسم اللي تختاره، ويرتبط بالجلسة اللي دخلتها فقط.
بيانات اللعب: الجلسات اللي تنشئها أو تدخلها، وفريقك، والإجابات اللي تكتبها داخل المودات، والنقاط اللي تجمعها.
بيانات تقنية: نحفظ في متصفحك بيانات تسجيل الدخول ورمز خاص بالجلسة عشان تظل مسجّل دخول ونعرفك داخل اللعبة. ما نستخدم أي أدوات إعلانات أو تتبع أو تحليلات من جهات خارجية.
2. وش اللي يشوفه الناس؟
- للجميع: اسم المستخدم، والصورة الشخصية، ونقاطك في صفحة المتصدرين.
- للاعبين في نفس الجلسة: اسمك وفريقك ونقاطك في الجلسة، وبعض إجاباتك حسب طريقة كل مود.
- ما يشوفه أحد غيرك: بريدك الإلكتروني، واسمك الكامل، وتاريخ ميلادك.
3. ليش نستخدم بياناتك؟
- لتشغيل حسابك واللعب والجلسات وحساب النقاط.
- لعرض ترتيبك في صفحة المتصدرين.
- لمنع تكرار الأسئلة عليك في الألعاب الجاية.
- لحماية الموقع من الإساءة والغش.
- للتواصل معك بخصوص حسابك (مثل رسالة تأكيد البريد).
ما نبيع بياناتك، وما نشاركها مع أي جهة لأغراض تسويقية.
4. وين تنحفظ بياناتك؟
تُحفظ الحسابات وبيانات اللعب عند مزوّد قواعد البيانات Supabase، ويُستضاف الموقع وبنك الأسئلة عند Hostinger. يستخدم هذان المزوّدان البيانات فقط لتقديم الخدمة لنا، وما نشارك بياناتك مع أي جهة ثانية إلا إذا طلبتها جهة رسمية مختصة حسب الأنظمة.
5. حقوقك
- الاطلاع والتعديل: تقدر تشوف بياناتك وتعدلها من صفحة "حسابي".
- حذف الحساب: تقدر تطلب حذف حسابك وكل بياناتك في أي وقت عن طريق التواصل معنا.
- الاستفسار: تقدر تسألنا عن أي بيانات نحتفظ فيها عنك.
6. مدة الاحتفاظ بالبيانات
نحتفظ ببيانات حسابك ونقاطك طول ما حسابك موجود. ولما تطلب حذف حسابك، نحذف بياناتك الشخصية. بيانات الجلسات القديمة قد نحذفها بشكل دوري.
7. الأطفال
الموقع مناسب للعائلة، لكن إنشاء الحساب موجّه لمن عمرهم 13 سنة فأكثر. الأصغر من كذا يقدرون يلعبون كضيوف بدون حساب، ويُفضَّل بإشراف ولي الأمر.
8. حماية البيانات
نستخدم اتصالاً مشفّراً، وصلاحيات تمنع أي مستخدم من الوصول لبيانات غيره. ومع ذلك ما فيه نظام محمي 100%، فحافظ على سرية كلمة المرور حقتك.
9. التحديثات على هذه السياسة
ممكن نحدّث هذه السياسة مع تطوير الموقع، وبننشر أي تحديث في هذه الصفحة مع تاريخه. استمرارك في استخدام الموقع بعد التحديث يعني موافقتك عليه.